बर्दिवास । महोत्तरी क्षेत्र नं —१ प्रदेश सभा (क) की सदस्य शारदादेवी थापाले जनप्रतिनिधिले मञ्चमा आफूले बोलेका कुरा अक्षररस्व पालना गर्न सके देश चाँडै समृद्धीको दिशामा जाने बताइन् । महोत्तरीको बर्दिबासमा आयोजित बर्दिबास नगरपालिकाले गरेको शुभकामना आदान प्रदान तथा चियापान कार्यक्रमलाई सम्बोधन गर्दै उनले जिम्मेवार निकायले आफूले गर्नु पर्ने कामकाजमा चासो नदिंदा देश यो अवस्थामा आइपुगेको भन्दै सबै जिम्मेवार निकायले आ—आफ्नो तह र तप्कामा रहीँ ध्यानपूर्वक काम गर्नु पर्ने प्रष्ट पारिन् । उनले मुलुकको सबै भन्दा ठूलो रोग भ्रष्टाचार रहेकोले नगरपालिकाले त्यसलाई उन्मुलन गर्न स्थानीय स्तरबाटै ठोस नीति बनाईनु पर्ने कुरामा जोड दिइन् । सरकारले ल्याएको विद्यालय भर्ना कार्यक्रम स्वागत योग्य रहेको भन्दै उनले आफूले २ जना गरीब,दलित र पढ्न उत्सुक बालबालिकालाई विद्यालयको अतिरिक्त शुल्क बाहेका सबै खर्चे गर्ने गरी बालबालिकाले चाहेको जत्ती पढाईमा लाग्ने सबै खर्च आफुले व्यहोर्ने गरी एउटा असल अभिभावकत्व प्रदान गर्ने प्रतिबद्धता व्यक्त गरिन । कार्यक्रमलाई सम्बोधन गर्दै बर्दिबास नगरपालिकाका प्रमुख विदुर कुमार कार्कीले नगरपालिका अहिले संक्रमणकालिन अवस्थामा गुर्जिरहेको बताए । उनले नगरभित्र कानुनी प्राविधिक जटिलता रहेकाले काम गर्न सकस भएपनि केहीँ महिना भित्रै यी सबै समस्याको सामधान भएर जाने प्रस्ट पारे । उनले बर्दिबासलाई शैक्षिक हव बनाउन सबै सरोकारवाला निकायहरुसंग छलफल भैरहेको भन्दै कृषि कलेज, मेडिकल कलेज पोलिटेक्नीकल कलेज नगरको प्राथमिकतामा रहेको भन्दै कार्कीले खानेपानी,सडकको स्तरोनोन्नती, उद्यमशील, बालबालिका, महिला, जेष्ठ नागरिकलाई स्वास्थ्य बनाउन नगरपालिकाले विशेष कार्यक्रम ल्याउने उल्लेख गरे नगरमा समाजवादी अध्यन्न केन्द्रको विकास गर्दै विभिन्न कोषको स्थापना गरी काम गरिने उल्लेख गरे । प्रमुख कार्कीले नगरभित्र चांडै बालबिवाह,बालश्रमको अन्त्य गरी विद्यालय बाहिर रहेका ६ सय बालबालिकालाई विद्यालय पठाउने वातावरण बनाइने प्रस्ट पारे उनले अव्यवस्थित पार्किङ्ग बन्द गरी बसपार्कको छुट्टै व्यवस्था गरिने नगरपालिकाको सिमानाभित्र पर्ने पूर्वपश्चिम उत्तर दक्षिणका सबै सडक मर्मत गरिने र बर्दिबासको विकासकालागी गुरुयोजना बनाएर केहि वर्ष भित्रै विकसित र समृद्ध बर्दिबास बनाइने प्रतिबद्धता व्यक्त गरे । कार्यक्रममा विभिन्न राजनीतिक दल, संघसंस्था,नागरिक समाज लगाएतको उपस्थिति थियो । यसैबिच नयाँ वर्षको उपलक्ष्यमा बर्दिबास नगरपालिकामा रहेको हात्तेमालो युवा क्लबले नगर सरसफाई गरेको छ ।
लागोस, नाइजेरिया : नाइजेरियाको उत्तरपश्चिमी जाम्फारा राज्यमा एक सशस्त्र लुटेराहरूको...
जनकपुरधाम । नेपाली कांग्रेसका केन्द्रिय सदस्य तथा पुर्वगृहमन्त्री विमलेन्द्र निधिले...
व्यवस्थापन
बिज्ञापनको लागि
जनकपुर टुडे
